Projekti i spitalit “ ALOKA” i projektuar dhe ndërtuar nga “G-PROJECT” implementon një qasje inovative arkitekturore, duke kombinuar me finesë linjat e drejta me forma harkore si dhe pasqyron një kombinim të harmonisë vizuale dhe funksionalitetit të lartë, duke u përkushtuar për të sjellë një standard të ri në objektet spitalore. Ndërtesa maksimizon përdorimin e ndriçimit natyral dhe ventilimit, duke ofruar një mjedis të shëndetshëm dhe komod për pacientët dhe stafin mjekësor. Funksionaliteti ka qenë prioritet i këtij projekti. Organizimi i hapësirave është bërë në mënyrë të tillë që të lehtësojë lëvizjen e stafit mjekësor dhe pacientëve, duke siguruar efikasitet maksimal në ofrimin e shërbimeve shëndetësore. Hapësirat e brendshme janë dizajnuar me fleksibilitet, duke u përshtatur lehtë për nevojat e ndryshme të reparteve. Fasada është dizajnuar me ngjyrë të bardhë të pastër, simbol i sterilitetit dhe transparencës, ndërsa elementet me ngjyrat që përfaqësojnë logon e spitalit theksojnë identitetin e tij vizual dhe i japin ndërtesës një karakter unik.